د الخلیل په شاوخوا کې د صهیونیسټانو له خوا د قرآن کریم سپکاوی
ایکنانیوز د الجزیره له قوله راپور راکړی، صهیونیسټي شهرکنشینانو د جمعې په ورځ د الخلیل په جنوب کې د «الظاهریه» ښار د «ام الذهب» سیمې باندې یرغل وکړ او د «مسافر یطا» په سیمه کې ئې د «خربه ام الخیر» په نوم یوه برخه کې د زیتون ونې له بیخه راوایستلې.
فلسطینيو رسنیو همدا راز راپور ورکړی چې ښارګوټي میشتو د الخلیل په شاوخوا کې په «خلة الفرن» سیمې باندې یرغل کړی، د قرآن کریم نسخې یې ټوټې ټوټې کړې او د فلسطینیانو اموالو ته ئې زیان رسولی دی.
د پنجشنبې په ورځ هم شهرکنشینانو د اردن سین د لویدیځي غاړې په شمال کې د سلفیت ښار شمال لویدیځ ته په «کفل حارث» ښار یرغل وکړ او د تلمودي مراسمو د ترسره کولو لپاره یې د دې ښار پر اموالو برید وکړ.
په ټولنیزو رسنیو کې خپره شوې ویډیو د ښارګوټو میشتو د یرغل او د فلسطینیانو پر اموالو د تجاوز لحظه ښيي،چې په ترڅ کې یې د څو موټرو او کورونو شیشې ماتې شوې دي.
فلسطیني سرچینو راپور ورکړی چې دا ښار د صهیونیسټي شهرکنشینانو له ورځنیو او پرلهپسې یرغلونو سره مخ دی او د نیواکګرو ځواکونو له خوا د اوسیدونکو د املاکو د ویجاړولو سیاست د شهرکسازۍ د پراختیا په موخه پلي کیږي.
دا یرغلونه په داسې حال کې ترسره شوي چې د صهیونیسټي نیواکګرو او ښارګوټو میشتو له خوا د لویدیځي غاړې په بیلابیلو سیمو کې یرغلونه زیات شوي او د نیواکګرو پوځي عملیات، چې د جنوري له ۲۱مې نیټې راهیسې د ضفه شمال په ښارونو او کمپونو، په ځانګړي توګه جنین او طولکرم کې پیل شوي، دوام لري.
https://iqna.ir/fa/news/4278471
